Федерер по осми пат царува во Хале
Швајцарецот Роџер Федерер успеа да дојде до својата осма титула на турнирот во Хале. Тој во финалето со 2-0 во сетови (7-6, 6-4) го совлада немоќниот Андреас Сепи кој доживува пораз од својот колега по 12-ти пат на 13 одиграни натпревари. Одличен на свој сервис и само еден брејк му беше доволен на Федерер за да стигне до победата.
Дека трвнатата подлога одлично му лежи на Федерер говори фактот дека ова е за него 15-та титула која ја освојува на ваков терен. Тој досега во кариерата загубил само две финалиња во Хале, од Лејтон Хјуит во 2010 и од Томи Хас во 2012 година.
На патот до финалето тој успеа да го победи и одличниот ветеран Карловиќ.