Ердоган најави повлекување на тужбите за навреда кон него
Турскиот претседател Реџеп Таип Ердоган најави дека ќе ги повлече сите судски тужби против оние кои ги обвини дека го навредиле, по неуспешниот обид за воен удар кој се случи во Турција.
-Ќе ги повлечам сите тужби за навреди кои се изнесени на моја сметка, рече Ердоган.
Во изминатиот период турското Министерство за правда соопшти дека во земјата се заведени 1.845 судски дела за навреда на шефот на државата. Меѓу обвинетите се наоѓаат лидери на опозициски партии, како и луѓе кои објавувале коментари на социјалните мрежи.