Дачиќ разочаран од македонската подршка за Косово во УНЕСКО
Министерот за надворешни работи на Србија, Ивица Дачиќ се уште има надежи дека Косово нема да стане дел од организацијата на УНЕСКО и покрај тоа што за првичниот предлог за членство даден од Република Албанија, 27 држави гласаа ЗА, а меѓу нив Црна Гора и Македонија.
Дачиќ е разочаран од ваквото гласање, но и не е изненаден со оглед на внатрешните состојби. Сепак, најави дека во иднина Србија ќе одговори реципрочно и нема да даде подршка за меѓународните барања на Македонија.
Белград останува на ставовите дека Косово не е способно да се грижи за огромното српско културно, верско и историско наследство, ниту пак тоа било заштитено од екстремистите за време на војната каде многу цркви и манастири беа запалена.
Во македонската јавност па дури и немаше никаква политичка или јавна дебата дали државата треба да гласа за или против членство на Косово во УНЕСКО, за што ќе почекаат на ново гласање бидејќи е потребно двотретинско мнозинство.