Брисел очекуваат што поскоро да се финализира договор со Бугарија

Од Европската Унија очекуваат наскоро да се финализира најавениот договор за добрососедство помеѓу Македонија и Бугарија бидејќи секогаш е добро кога настојувате да имате добри односи со соседните земјите. Ова во изјава за медиумите го посочи шефот на Делегацијата на ЕУ во Скопје, Самоуел Жбогар.

– Охрабрени сме од неодамнешните посети на премиерот во Софија и на министерот за надворешни работи во Атина. Никогаш не правите грешка ако градите пријателство. Очекуваме, како што беше најавено, договорот помеѓу Македонија и Бугарија да биде финализиран и дека истиот ќе биде и потпишан во август – изјави Жбогар, надевајќи се дека за тој ќе биде и тема на дебата во Собранието.

Колку се посилни односите со соседите кои се дел од европското семејство, посочи евроамбасадорот, толку земјава ќе има и поголема поддршка од истите во ЕУ.