Зика вирусот многу поопасен од првичните прогнози

Здравствените власти на САД излегоа со нова проценка според која заканата од Зика вирусот е многу поопасна од првичните анализи со можност за глобална епидемија во текот на летото низ Северна Америка, Европа и Азија бидејќи доаѓаат летните одмори и ќе се зголемува бројот на луѓе кои ќе патуваат низ светот.

Обама издвои 1.9 милијарди долари државни пари за справување со потенцијалната епидемија, а од Центарот за заразни болести посочуваат дека мора да бидат подготвени на најлошото сценарио. Објавени се и предупредувања до жените да не патуваат во опасните подрачја на Латинска Америка доколку планираат принова во брзо време бидејќи вирусот се шири и преку сексуален контакт.