Жител на Лопате прободен со нож во сопствениот двор
Д.Ф. 34 годишен жител на кумановското село Лопате бил нападнат од негов сосед и прободен со нож. Вчера околу 13 часот Д.Ф. пријавил дека седел во сопствениот двор со семејството и роднините, кога дошол Ќ.Д. (околу 50 години) исто така од село Лопате и без повод и причина започнал да вика и да ги навредува.
Истиот го нападнал Д.Ф. со нож нанесувајќи му видлива повреда во пределот на стомакот по што избегал од местотот на настанот.
Увид извршила увидна екипа на Секторот за внатрешни работи – Куманово. Во 13.10 часот Ќ.Д. бил приведен во полициската станица. Се преземаат мерки за целосно расчистување на случајот.