Заев на средба со Герет посочи дека нема избори дур не се повлече аболицијата
Претседателот на СДСМ, Зоран Заев, денеска се сретна со амбасадорот на Обединетото Кралство на Велика Британија и Северна Ирска во Република Македонија, Чарлс Едмунд Гарет. Главен став на партијата е дека опозицијата нема да седне на преговарачка маса со ВМРО-ДПМНЕ се додека целосно не се повлече аболицијата.
– Нема алтернатива за комплетно поништување на аболицијата, соопшти претседателот Заев кој потсети дека ова е принципиелен став и на ЕУ и САД.
На средбата се разговараше и за следните чекори на СДСМ и здружената опозиција кои ги поддржуваат граѓаните кон воспоставување на правниот поредок во Македонија и организирање и спроведување фер и регуларни избори на коишто ќе биде избрана легитимна Влада.