Видео: Англиско руска војна во Марсеј, градот во хаос
Центарот на француски Марсеј денес повторно наликуваше на воено поле, откако дојде до нови, до сега најжестоки судири помеѓу навивачите на Русија и Англија. Полицијата беше приморана да употреби чадни и шок бомби за да ја смири ситуацијата која во овие моменти според последните информации е ставена под контрола.
По немилите сцени сега се бројат повредените кои ги има во голем број, а на кои им се укажува прва помош. Според информациите подебелиот крај го извлекле Англичаните, додека во ист момент поддржувачите на Русија се фалат со запленетите трофеи.
По инцидентот во центарот на Марсеј еден навивач на Англија на возраст од 50 години по здобиените тешки повреди се бори за својот живот. Веќе по интернет започнаа да кружат информации дека несреќниот Англичанец подлегнал на повредите и починал, но сето тоа е неофицјално. Она што е сигурно и што е потврдено е дека тој е згрижен во клиника во Марсеј, каде што докторите се борат за неговиот живот.
Бројот на повредени е и тоа како голем, па несомнено немилите сцени вечерашниот дуел помеѓу Англија и Русија ќе го фрлат во втор план.