Велодарност со добротворна акција, средствата ќе ги однесе со велосипеди

Хуманитарната организација Велодарност најави акција за собирање на неопходни средства кои потоа ќе бидат доставени до погодените од силното невреме и упатија повик за донации од граѓаните.

„Секој колку што може нека ги наполни ранците и бисаѓите со неопходни средства: нерасиплива храна, хигиенски средства, облека, вода (иако рекоа дека не е толку неопходна), а оние кои не можат да дојдат, а сакааарт нешто да остават да однесеме нека повелат од 16:30 до 17:00 на добро познатото место: паркингот пред поштата кај Железничка“, повикаа од Велодарност.

Собраните средства, храна, лекови, санитетски препарати со велосипеди ќе бидат доставени до Стајковци и Сингелиќ, а активистите ќе се вклучат и во расчистување на теренот доколку е потребно.