Турција започна тенковска офанзива во Сирија

Турските воени сили со тенкови започнаа офанзива во пограничниот регион со Сирија и има судири со припадници на Исламска држава. Турската војска во акцијата добива поддршка од воените авиони на коалицијата предводена од САД против Исламска држава.

Акцијата доаѓа по бројните терористички напади кои членови на ИСИС ги извршија со бомбаши самоубијци во кои загинаа стотина лица.

Според воените власти во областа Џабалус во Северна Сирија во досегашните артилериски напади се уништети 70 цели кои ги држеле џихадистите на ИД. Во нападите настрадаа и припадници на курдските бунтовници кои Турција нема да дозволи да земат сила ако ИД бидат поразени.