Тројца мигранти удавени крај брегот на островот Фармакониси

Утрово крај брегот на грчкиот остров Фармакониси потонал чамец кој превезувал стотина мигранти и во кој се удавиле три лица, меѓу кои и едно дете.

Крајбрежната стража се впуштила во акција за спасување и успеала да извлече 68 патници од чамецот, додека 29 лица сами допливале до брегот. Продолжува и истрагата по петмина исчезнати мигранти во близина на островот Самос, но потрагата засега е без конкретни резултати.