Тројца Алфи повредени во обид да приведат осуденик

Тројца припадници на единицата „Алфа” попладнево биле повредени во сообраќајна несреќа, додека се обидувале да приведат лице кое се барало за издржување затворска казна. Откако го забележале осуденикот во возило „мерцедес“ со скопски регистарски таблици, Алфите тргнале да го апсат, по што тој со голема брзина удрил во нивниот автомобил. Од сообраќајната незгода тргојца полициски службеници од Алфите се здобиле со повреди и пренесени се во Ургентниот центар. Бегалецот е приведен и ќе биде префрлен во затвор каде ќе ја издржува казната. Тој ќе добие уште неколку кривични пријави за инцидентот кој денеска го предизвикал.