Тешка сообраќајна несреќа на кружен тек во Битола, повредени се седум лица
На кружниот тек кај местото Црн Мост во Битола вчеравечер се случила тешка сообраќајна несреќа во која тешко повредени се седум лица.
Несреќата се случила околу 20 часот, кога и биле информирани од Итната медицинска помош, јавуваат полициските службеници. Повредените со возила на Итната медицинска помош се пренесени на битолската клиника, каде им е укажана лекарска помош и според информациите, никој од нив не е во животна опасност.