Спасена жена која била затрупана, се уште има исчезнати

Во полноќната акција за спасување екипите на војската, полицијата, брзата помош и противпожарните бригади извлекоа стотина граѓани заглавени во своите домови или автомобили, а спасена е и една жена која била затрупана од шут наносен од големата количина вода.

Според информациите на лекарите укажана им е помош на стотина повредени, пациентите се со скршеници, набиеници и посекотини.

Во Ургентниот центар било донесено и мртво осум годишно дете, кое лекарите за жал само му констатирале смрт. Екипи на Брзата помош, МВР и АРМ како и екипи на центарот за управување со кризи се на терен и работат на расчистување на пустошот што го остави невремето. 5 лица и натаму се водат како исчезнати.