Во населба Маџари, во објектот на кино Маџари започна да функционира советувалиште за проблеми предизвикани од злоупотреба на алкохол. Целта е да се препознае лице кое злоупотребува алкохол, да се процени дали е потребно лекување. Истовремено во рамките на „Квалитетен живот без алкохол“ ќе се овозможи поддршка и третман на жртви и извршители на семејно насилство поради злоупотреба на алкохол. Советувалиштето ќе биде отворено секој вторник од 17 и 30 до 19 и 30 часот, каде секој кој е заинтересиран ќе може да разговара со стручно лице во врска со проблемот со алкохол.