Ќе се укине забраната за продажба на алкохол по 19 часот
Министерството за економија на вчерашната владината седница ја презентираше информацијата за изменување на Законот за трговија во согласност со иницијативата на посетените компании во рамки на проектот „Учиме од бизнис-заедницата“.
„Со информацијата, Министерството за економија во рок од два месеци треба да достави предлог за изменување на Законот за трговија за укинување на времето за продажба на алкохол и за укинување на ограничувањето, односно забраната на продажба на алкохол во киосци, за кои ќе се издава лиценца“, стои во соопштението од владината седница.