Со комплетирање на ад-хок телото ќе се заокружат медиумските реформи

Останува да се избере Љуљзим Хазири кој е последен предлог за член на ад-хок телото за надзор на работата на медиумите во предизборниот период. Седницата која треба да се одржи во 12 часот најверојатно е чиста формалност бидејќи процесот не смее веќе да се одолговлекува. Хазири е поранешен дописник на МТВ од Гостивар, а сега универзитетски професор и активист.

Согласно политичкиот договор, Агенцијата за аудио и аудиовизуелни медиумски услуги, во која ќе функционира Привремената комисија, се повикува ја врати старата методологија од 5 јануари и истата да се адаптира и да почне да се променува од 2 септември.

Со комплетирањето на ад-хок телото ќе се довршат преземените реформи барем од оваа фаза бидејќи многу отворени прашања се оставени за следната влада.