Славен Билиќ му обезбеди уште едно квалитетно засилување на Вест Хем!

Славен Билиќ доведе уште едно квалитетно засилување во редовите на Вест Хем. Вест Хем продолжува да се засилува за новата сезона, а сега во тимот пристигна и лев бек, Артур Масуаку. Масуаку пристигнува од Олимпијакос, каде беше светла точка во тимот во последните две сезони и ќе претставува големо засилување за „Чеканите“, со кои стави потпис на четригодишен договор.

Овој 22-годишен Франузин изминатите години беше и на мета на Рома, но тој трансфер никогаш не се случи. Покрај Рома и Вест Хем, за овој фудбалер од порано интерес покажуваа и Јувентус и Интер. Сепак, на крај Билиќ успеа да го обезбеди потписот на овој фудбалер, кој беше претставен во клубот и ќе го носи бројот 26.