Сините шлемови на ОН повторно обвинети за силување

Мировниците на Обединетите нации наместо да се грижат за цивилното население во воени региони каде има закани за етнички чистења и масакри повторно се вовлечени во скандали и се обвинети за силувања и сексуални злоупотреби. Оваа тема веќе ја обработувавме кога го пренесовме извештајот за Сините шлемови во африканските мисии каде над 100 случаи на силувања.

Сега покренати се 29 обвиненија до мировната мисија на ОН во Централноафриканската Република, седум до мисијата во Конго, две на Хаити и по една во Јужен Судан, Брегот на Слоновата Коска, Мали, спорната погранична територија меѓу Судан и Јужен Судан, како и до политичката мисија на ОН во Либија и мисијата која ја надгледува мировната спогодба на Блискиот Исток.