СДСМ: Вељаноски потврди дека на ВМРО-ДПМНЕ им се важни само лични интереси
Одлуката на Трајко Велјаноски да не свика веднаш координација и продолжување на конститутивната седница е уште една потврда за тоа дека Никола Груевски и ВМРО-ДПМНЕ ги интересира само личниот интерес и ништо друго, реагираат од СДСМ.
„Објаснувањето на Велјаноски дека граѓаните на Македонија треба да чекаат Илија Димовски да се врати од пат, за да се одржи продолжението на конститутивната седница е безобразно и несовесно поигрување со волјата на граѓаните кои со месеци го чекаат формирањето на новата влада, како и понижување на Собранието“, велат од СДСМ.
Од партијата истакнуваат дека ако Димовски е на пат, може да го претставува негов заменик.
„По три месеци неработење што и му е друга обврска на Илија Димовски од тоа да е во Собранието кога има должност да ги извршува важни парламентарни обврски. Неодговорното однесување на претставниците на ВМРО-ДПМНЕ е уште еден доказ дека тие воопшто не водат сметка за интересот на граѓаните и тоа ќе заврши многу бргу“, стои во соопштението и се додава дека демократските процеси се незапирливи.
