СДСМ: Иванов да престане да ги поддржува деструктивните политики на Груевски

Граѓаните и домашната и меѓународната јавност очекуваат од Ѓорге Иванов да престане да ги поддржува деструктивните политики на Груевски и соработниците и да постапи според граѓанските и државните интереси, се вели во денешното соопштение од СДСМ.

Повикуваат, политичарите во ВМРО-ДПМНЕ да се постават конструктивно, партијата да престане со приземните политики на задоволување лични интереси на поединци, и конечно да покажат одговорност кон граѓаните и државата.

Според СДСМ согласно Деловникот, Уставот и законите е избран новиот собраниски претседател. Согласно Уставот, Деловникот и законите ќе биде избрана и новата реформска влада, стои во соопштението од партијата.