СДСМ бара итна собраниска седница за поплавите

Опозицијата составена од пратениците на СДСМ до Собранието достави барање за одржување итна седница со една точка на дневен ред – состојбата во подрачјата погодени од временските непогоди кои се случија на 6 август 2016 година во околината на градот Скопје.

– Собранието мора да расправа за оваа состојба и што е уште поважно пратениците мора да ги донесат предложените заклучоци за да се исполнат условите за задоволовување на минималните потреби на граѓаните кои се погодени од временските непогоди, изјави пратеникот Шилегов на прес-конференција.

Според Шилегов , на теренот има сериозен број недостатоци од организациски аспект дури и во делење на хуманитарната помош, но, како што рече, свесно не се подигаат на политичко ниво затоа што сега е најнеопходно да се санираат последиците од невремето.

СДСМ побара поддршка и од останатите пратеници за итно да се разгледа состојбата и да се донесат правилно одлуки за помош на населението во загрозените подрачја.