Реал Мадрид се договори со Интер за Ковачиќ

Реал Мадрид постигна договор со Интер за трансферот на 21-годишниот Матео Ковачиќ. Шпанскиот клуб за Ковачиќ ќе му исплати на Интер 32 милиони евра плус дополнителни 3 милиони како бонуси.

Хрватскиот репрезентативец во текот на утрешниот ден ќе ја има официјалната презентација пред шпанските медиуми, откако ќе ги помине медицинските тестови. Тој ќе стави потпис на шестгодишен договор со шпанскиот клуб.

Играчот од средниот ред дојде во Интер во 2013 година од Динамо Загреб, и за италијанскиот клуб постигна 5 голови на 80 натпревари.