Пронајден женски труп во Вардар
Утринава во водите на реката Вардар, во близина на пешачкиот мост во Злокуќани од страна на случајни минувачи бил забележан женски труп. Полицијата веднаш излезе на терен и телото беше извлечено од водата, а на местото на настанот увид изврши и јавен обвинител. Според информациите на МВР се работи за 60-годишната скопјанка Светлана К. Телото е предадено на обдукција, за да се утврдат причините за смртта.