Продолжува конститутивната седница на Собранието
Собранието на Република Македонија денеска ќе ја продолжи конститутивната седница на која се дебатира за избор на претседател, заменик на претседателот, членови и нивни заменици на Комисијата за прашања на изборите и именувањата.
Изминатите пет седници минаа наместо за точките од дневниот ред, пратениците на ВМРО-ДПМНЕ, кршејќи го деловникот дебатираа за албанската платформа.
ВМРО-ДПМНЕ се обидува на овој начин да го блокира именувањето на Комисијата за прашања на изборите и именувањата, а со тоа и изборот на претседател на Парламентот.
Конститутивната собраниска седница почна на 30 декември 2016 година, но беше прекината, бидејќи не беше обезбедено парламентарно мнозинство за избор на претседател на Законодавниот дом.