Поранешната сопруга на Џони Деп парите од разводот ќе ги даде во добротворни цели

Актерката Амбер Херд ќе донира седум милиони долари- сума која ја добила после разводот од холивудската ѕвезда актерот Џони Деп- во хуманитарни цели, надевајќи се дека на тој начин „ќе им помогне на оние кои не можат да се одбранат сами“. Парите планира да ги поклони на здружението за борба против насилство над жените American Civil „Liberties Union“ и на детската болница во Лос Анџелес.

Нешто порано оваа година Херд го обвини Деп за физички напад, што актерот јавно го негираше. Адвокатот на Деп тврдеше дека Херд намерно го обвинувала актерот за насилство, со цел да добие поволно решение на судот. Парот за време на разводот истакна дека нивниот однос од секогаш бил „многу страствен и понекогаш нестабилен, но секогаш полн со љубов.

Во изјавата Амбер истакна дека парите не играле никаква улога, освен да се донираат во хуманитарни цели и на тој начин да им се пмогне на многу луѓе.