Полицискиот синдикат тврди дека на 200 полицајци не им се плаќа здравствено, МВР демантира

Претседателот на полицискиот синдикат, Гоце Делчев Тодев бара средба со министерот за внатрешни работи за да разбере зошто на некои полицајци не им било уплатено здравственото осигурување од декември 2013 година, јавува „Алсат-м“.

Според Тодев, над 200 полицајци се принудени да плаќаат од свој џеб за здравствени услуги. Синдикалците бараат што поскоро да се реши случајот и да се пронајдат виновниците за таквата состојба.

Министерството за внатрешни работи целосно ги демантираа ваквите тврдења и негираа дека на 200 полицајци не им е платено здравственото осигурување.
– Во врска со денешната изјава за медиумите на претседателот на независниот полициски синдикат, Министерството за внатрешни работи ја демантира изјавата дека на повеќе од 200 вработени во министерството не им е платено здравственото осигурување – стои во демантот.