Почнаа демонстрациите за поддршка на СЈО

Граѓаните почнаа да се собираат пред канцелариите на СЈО за да искажат поддршка на ова обвинителство, откако претседателот, Ѓорѓе Иванов ги помилува сите осомничени за аферата со прислушкувани разговори не оставајќи простор, правниот систем да ја извади вистината на виделина.

Граѓаните веднаш се активираа на социјалните мрежи и експресно закажаа протест кој од седиштето на СЈО ќе продолжи кон канцеларијата на претседателот на Република Македонија. Слоганот на овие демонстрации, како и на сите претходни граѓански акции е „Нема правда, нема мир“.