Почна изборната кампања за предвремени избори

Изборната кампања денеска почнува за предвремените парламентарни избори на 5 јуни.

Така е според Роковникот за извршување на изборни дејствија и кампањата ќе трае до 3 јуни до полноќ.  Изборната кампања предвидува јавно собирање, јавни настани организирани од страна на учесниците на изборите, јавно истакнување на плакати, видео презентации на јавни места, изборно медиумско и интернет претставување, дистрибуирање на печатени материјали, јавно претставување на потврдените кандидати од надлежните изборни органи и нивните програми.

Државната изборна комисија вчера потврди дека на избори ќе се оди со една изборна листа и тоа на коалицијата на ВМРО-ДПМНЕ. Партијата НДМ за денеска најави прес конференција за според нив скандалозната одлука на ДИК да ги отфрли кандидатските листи на партијата спротивно од Изборниот законик.