Пилотот на египетскиот авион алармирал за чад минути пред да се урне
Истрагата за уривањето на авионот на EgyptAir во Средоземното море открива нови детали за алармантниот повик на пилотот кој разговарал со контролата на летање и им пренел дека во неговата кабина и во делот за патниците се шири чад, но од системот за надзор не може да се утврди точната причина.
Пилотот комуницирал неколку минути со контролата на летање во Египет и ги известил дека ќе изврши итно спуштање на висината по што за кратко се губи контактот и тогаш најверојатно авионот се срушил.
Авионот на летот 804 од Париз до Каиро се урна рано утрото во четвртокот, остатоците беа пронајдени неколку дена подоцна, но се уште не се извлечени податоците од црната кутија. Засега сомнежите се дека авионот претрпел експлозија и тоа може да се забележи од остатоците од телата на патниците, но дали е предизвикана од терористички акт не може да се потврди.