Освојување на Кораб за 25 години независност на Република Македонија
Планинарскиот клуб „Кораб“ традиционално по 25 пат ќе организира групно искачување на најголемиот планински врв „Голем Кораб“ на висина од 2764 метри во чест на прогласувањето на независноста на Република Македонија.
Планинарите веќе ја започнаа рутата на искачување од караулата Победа, а по освојување на врвот сите учесници кон стартната позиција ќе се вратат во 15 часот. На учесниците ќе им бидат доделени признанија и благодарници, ќе има пункт за прва помош, а водачите од клубот ќе бидат долж патеката за евентуална помош и асистенција.