Официјално: Ова се министрите на СДСМ во новата Влада
СДСМ во Владата ќе добие 15 министерски места и уште неколку вицепремиерски позиции. По вечерашната седница на Централниот одбор го соопшти составот на новиот владин кабинет со конечни имиња и функции. Радмила Шекеринска ќе биде министер за одбрана, Оливер Спасовски – министер за внатрешни работи, Драган Тевдовски – министер за финансии, Никола Димитров – министер за надворешни работи, Рената Десковска – министер за образование и наука, Љупчо Николовски – министер за земјоделство, Мила Царовска – министер труд и социјала, Роберт Алаѓозовски – министер за култура, Дамјан Манчевски – министер за информатичко општество и администрација и Горан Сугаревски – министер за транспорт и врски.
Министри без ресор од СДСМ ќе бидат Роберт Поповски, Кочо Анѓушев, Едмонд Адеми, Аднан Ќахил, Самка Ибраимовски, Зорица Апостоловска и Зоран Шапуриќ.
Заев најави и дека вечерва во архивите на Собранието ќе ја достави програмата за работа на новата влада и предлогот за владин кабинет. Тој додаде и дека ги одборил кадрите на Алијансата за Албанците, но остава на нив да соопштат. Според Заев, новата влада има капацитет за четиригодишен мандат.
„Траењето на владата зависи од чесноста, отвореноста, успешноста, транспарентноста и, пред се, зависи од тоа дали ќе го вратиме животот во Македонија за сите. Убеден сум дека новата влада по структура, капацитет и кредибилитет има огромни шанси да ги спроведе реформите и дека ќе бидат сериозен сервис на граѓаните. Од новите министри очекувам решенија, немам намера да бидам министер за се, како некои мои претходници“ – подвлече Заев.
