Одложен штрајкот на грчките железничари

Вработените во грчката железница и приградските линии го одложија 24-часовниот штрајк закажан за утре, до 6 јули, јави дописникот на МИА во Атина.

Одлуката за одлагање на штрајкот доаѓа откако Грчкиот фонд за развој соопшти дека го продолжува рокот за собирање понуди за продажба на 100 проценти на грчките железници Траиносе.

Извор: МИА