Ни мисица не смее да се потсмева со Ердоган
Турскиот суд донесе уште една пресуда за навреда или омалуважување на претседателот Реџеп Таип Ердоган, овој пат против Мерве Бујуксарач поранешната мис на Турција која е условно осудена на 14 месеци, а ако го повтори делото ќе ја одлежи целата казна во затвор.
Бујуксарач на Инстаграм објавила сатирична песна со која му се потсмева на Ердоган во 2014-та додека тој бил премиер. Инаку Ердоган поднесе над 2000 тужби за навреди и клевети според законот кој ги штити турските државни органи и политичари, но секако драстично ја укинува слободата на говорот, мислата и критиката.