Мајмун ја прекинал електричната енергија низ цела Кенија

Мајмун во Кенија предизвикал голема материјална штета откако паднал на трансформатор во хидроелектраната „Гитару“, објавила кениската електроенергетска компанија „Кен Ген“.

Мајмунот предизвикал голема хаварија, поради што без струја останала речиси целата територија на Кенија.

Кениската електроенергетска компанија „КенГен”, која е најголем производител на електрична енергија во источна Африка, соопшти дека мајмнот предизвикал технички дефект и „пад” на 180 мегаватната мрежа.

Компанијата подоцна на Фејсбук објавиле дека ја преживела оваа авантура, а за него сега ќе се грижи организација за заштита на дивите животни.

Во соопштението не се потенцира каква била судбината на невнимателниот мајмун.