Капитенот и селекторот најемотивно ја дочекаа победата

Македонија речиси по  30 години напори и чекање за пласман на едно големо фудбалско натпреварување, конечно ќе биде дел од европската фудбалска елита. Грузија е на колена, а нашата репрезентација извојува историска победа од 0-1 и следното лето, јуни/јули,  ќе учествува на своето прво Европското првенство.

На радоста на „рисовите“ им немаше крај на „Динамо Арената“, а оваа победа со големи емоции ја доживеаа  селекторот Игор Ангеловски, и најдобриот фудбалер во нашите редови, „ ветеранот“ Горан Пандев, кои се и   авторите  на историскиот успех на нашата нација. По последниот судиски свиреж популарните  Мрме  и Гоче не можеа  да ги сокријат  емоциите и заплакаа  пред камерите.

Стрелец на историскиот гол за Македонија во Грузија беше капитенот „Гранде Пандев“ , кој на  почетокот   од второто полувреме  ја стресе домашната мрежа и ги постави конечните 0-1.