Какви беа просечните плати на Балканот минатата година?

Податоците за просечна плата од минатата година велат дека најниска просечна плата во земјите од поранешната Југославија има Србија – 361 евро. Просечната плата во Македонија изнесувала 365 евра, односно 22.470 денари. Просечната плата во Црна Гора на крајот на годината изнесувала 482 евра, во Босна и Херцеговина – 422 евра, во Хрватска – 748 евра, а во Словенија – 1.004 евра.

Податоците од земјите се за ноември 2015, освен за Македонија и Босна и Херцеговина, во чии случаи биле искористени податоците за октомври 2015. Просечната плата во Словенија е поголема за 1,49 евра од изминатата година. Во Хрватска, просечната плата е поголема за 5,44 евра од почетокот на годината.

Намалување на просечната плата се забележува само во Босна и Херцеговина – за 1,02 евра. Просечната плата во Македонија во октомври 2015 била поголема од онаа на почетокот на годината за 7,35 евра.