ЈСП со апликацијата Трансинфо ќе ви го испланира возењето со автобус

ЈСП со помош на Телеком изработи нова веб апликација со која сите патници ќе може да го испланираат своето патување низ градот, особено ако не се запознаени која линија води кон одредена населба, како и за подобро да ги поврзат автобусите и трансферите со најбрзата рута.

Можеби за Скопјани возењето со градскиот превоз низ населбите не е тешко бидејќи од централните точки Рекорд, Бит Пазар и Транспортен центар поминуваат сите главни траси, но за тие кои не се од Скопје или ретко се возат со ЈСП виртуелниот планер „Трансинфо“ ќе биде одлична алатка, па наскоро се очекува и специјализирана апликација за смарт телефон. Дотогаш користете ја веб страната info.skopska.mk.