Икарди го донесе Интер на четвртата позиција во Италија

Фудбалерите на Интер успеаја да слават против Фросиноне со резултат од 1:0, во првиот натпревар од 32 коло од Серија А. Интер се мачеше на гостувањето се до средината на второто полувреме кога Икарди ја искористи асистенцијата на Иван Перишиќ и го постигна единствениот погодок на тој натпревар. Напаѓачот на Интер одлично скокна после центаршутот на Иван Перишиќ и од некои десетина метри оддалеченост од голот го погоди горниот десен агол кој го чуваше Леали.

Првото полувреме помина во доминација на гостинската екипа, но сепак немаше голови, најдобрите шанси ги пропуштија Џонатан Бијабијани и Иван Перишиќ, додека од друга страна, Алесандро Фрара пропушти да ги казни промашувањата на гостите. После овој триумф избраниците на Роберто Манчини се искачија на четвртото место на табелата со 58 поени, два повеќе и натпревар повеќе од петопласираната Фиорентина, додека Фросиноне остана на претпоследната позиција со 28 поени.