Tuesday, May 23, 2017
HomeДЕНЕШНАРегионГрчкиот министер за одбрана со предлог: Воен рок за жени

Грчкиот министер за одбрана со предлог: Воен рок за жени

greek

Грчкиот министер за одбрана Панос Каменос планира да и предложи на Владата да донесе одлука за вклучување и на жени-регрури во Армијата на Грција, објави атинскиот весник „Етнос“. Според планот на Каменос, воениот рок за жените нема да биде задолжителен. За девојките кои ќе сакаат доброволно да служат воен рок, ќе бидат обезбедени посебни објекти во касарните.

„Етнос“ наведува дека планот на Каменос бил поддржан и од Генералштабот на грчките Вооружени сили. Покрај во војската, Камнеос планира да предложи вклучување на жени и во полицијата, противпожарните единици и крајбрежната стража.

– Време е да ги надминеме табуата од минатото. Жените денес ги поседуваат сите неопходни квалификации и во повеќе случаи се подобри од мажите, изјави Каменос. Планот предвидува девојките со отслужен рок да имаат предност при вработувањето во државниот сектор, а 12-те месици минати во редовите на армијата ќе им се сметаат во вкупниот работен стаж.

Според „Етнос“, во услови на зголемена невработеност во Грција, се очекува голем имтерес меѓу девојките за служење воен рок. Сепак, засега останува неизвесно дали Владата, предводена од Коалицијата на радикланата левица (Сириза), ќе го прифати планот на Каменос, имајќи предвид дека левичарските партии во Грција традиционално се против идејата за вклучување на жените во армијата. За предлогот на Каменос засега не се изјаснија ниту феминистичките организации.