Ѓорчев даде исказ во ОЈО но побегна од новинарите
По три часа давање исказ за настаните на 27 април, пратеникот на ВМРО-ДПМНЕ Влатко Ѓорчев Обвинителството го напушти од подземните гаражи на зградата, јавува „Макфакс“
На новинарските екипи кои го чекаа пратеникот за изјава, пред главниот влез службите на институција им соопштија дека тој си заминал. Ѓорчев на денот кога се случи инцидентот, односно црниот четврток во Собранието, помагаше при евакуација на повредните пратеници од СДСМ и ДУИ.
Оттогаш па досега, и покрај инсистирањето на медиумите, пратеникот не даде никаков коментар околу настаните во Собранието.