Голем број на жртви во Мексико по пустошот на бурата Ерл
Најмалку 40 луѓе ги загубија животите во Мексико по пустошот на тропската бура Ерл која донесе обилни дождови и предизвика лизгање на земјиште. Токму во свлечиштата на истокот на Мексико има најголем број на жртви и повредени.
Спасувачи со кучиња трагачи го пребаруваат теренот во сојузните држави Пуебла и Веракруз, а бројот на исчезнати засега е непознат. Се стравува дека врнежите ќе се повторат во наредните неколку дена.
Американскиот Национален центар за урагани во неделата изјави дека е формирана нова тропска бура, Хавиер, која во вторник ќе донесе силни ветришта од 75 км/ч и поројни дождови во Мексико.