Генералниот секретар на НАТО загрижен за реториката која разгорува етнички тензии

Генералниот секретар на НАТО, Јенс Столтенберг на македонскиот претседател, Ѓорге Иванов му пиша дека партиите треба да се воздржат од реторика која сугерира делби и разгорува етнички тензии.

Столтенберг вели дека политичките лидери во Македонија треба да се фокусираат на спроведување на договорот од Пржино, како рамка за одржливо решение на политичката криза.

„Изборите од 11 декември беа есенцијален чекор кон решавање на кризата. НАТО не се инволвира во внатрешните процеси во Македонија, ниту зазема страна. Но, наш интерес е да ги почитуваме политичките вредности и принципи на кои почива Алијансата. Политичките лидери во Скопје се одговорни да го почитуваат исходот од демократските процеси и во краток рок да придонесат за формирање на функционална и ефективна влада која ќе продолжи со итните реформи“- пишува Столтенберг.

Столтенберг потсетува дека членките на НАТО на средбата на 14 март изразиле сериозна загриженост за политичката ситуација и апелираат сите партии да се придружваат и да го почитуваат владеењето на правото.

Тој очекува да се почитуваат Уставот и демократските норми во земјава