Галерија: Спектакуларно отварање на Олимпијадата во Рио

Организацискиот комитет на Рио Де Жанеиро успеа да изведе фантастичен спектакл при отварањето на Летните олимписки игри со стотина танчери, голем број на бразилски музички ѕвезди, продефилирање на убавицата Жизел Бундшен и десетина маестрално изрежирани, изиграни и презентирани уметнички точки.

Впечатливи бои, неверојатна сценографија, перфектен тајминг и беспрекорна изведба се главните епитети на можеби едно од најубавите и најбогатите отварања досега со што Бразилците докажаа дека се талентирана и креативна нација.

Стадионот Маракана беше како дел футуристички филм со прелевање на нијанси и изрази.

Потоа следуваше и официјалното дефиле на сите спортисти меѓу кои и македонската олимписка делегација, па се надеваме на возбудливи настапи и резултати за паметење со нови рекорди и инспирирачки стории кои ќе се прераскажуваат.