Фотографии од штетите се шират на социјалните мрежи, граѓаните стравуваат од нови потреси

Вториот силен земјотрес кој попладнево ја стресе Македонија бил евакуиран и трговскиот центар Капитол Мол. Во продавниците и супермаркетите голем дел од продуктите се паднати од рафтовите. Скопјани постираат фотографии од испукани ѕидови. Дел од општина Центар остана без струја. Од ЕВН информираат дека се вклучил системот за автоматска заштита, по што некои од трансформаторите автоматски се исклучиле како дел од превентивната заштита од можни посериозни штети. Во населбата Железара од земјотресот паднал оџак од зграда и оштетил возило.