Фото: После свадба тапани, МВР го опколува Собранието
Пред Собранието на Република Македонија има засилено полициско присуство, а припадници на МВР се донесени и со автобуси со цел да го обезбедат просторот околу законодавниот дом.
Блокирани се и улиците со што треба целосно да се ограничи пристапот до Собранието. Сепак, се чини дека ваквата реакција е премногу задоцнета бидејќи имаше сериозни закани дека се подготвува упад на гневни демонстранти.
Вчера маскирани напаѓачи заедно со припадници на „За заедничка Македонија“ ги претепаа пратениците на СДСМ и коалицијата, а повредија и прегазија голем број на новинари и сниматели.
Додека се одвиваше масакрот во Собранието полицијата не реагираше воопшто, дозволи гневната толпа да влезе, па дури дел од полицајците се поздравуваа и гушкаа со тие што го окупираа законодавниот дом.