(Фото) Лео ги собра славните на хуманитарната забава во Сен Тропе
Фондацијата на Леонардо ди Каприо, како и секоја година, така и оваа, организираше хуманитарна вечера во Сен Тропе. Оваа фондација досега донирала повеќе од 59 милиони долари за дури 112 различни проекти низ светот, претежно наменети за заштита на околината и животните.
На хуманитарната вечера се собраа најголемите ѕвезди, меѓу кои и голем број од најубавите манекенки што моментално владеат на светските модни писти. Згодните манекенки Алесандра Амбросио, Дауцен Крус, Џоан Смолс, Лили Доналдсон, Софија Ричи и Констанс Јаблонски биле фотографирани додека се забавувале на луксузна јахта пред да започнат со подготовките за свеченоста.
Меѓу гостите биле забележани и Арнолд Шварценегер, Мараја Кери, Пенелопе Круз, Наоми Кемпбел, Роберт де Ниро и уште многу други.
