Фердинанд со топло добредојде за новиот тренер на Јунајтед

Медиумите од островот денеска и официјално ја потврдија информацијата за трансферот на Жозе Мурињо во редовите на „црвените ѓаволи“. Но, само неколку часа пред информацијата да излезе во јавност, екс-фудбалерот на клубот, Рио Фердинанд, не можеше да издржи да не ја сподели радосната вест на својот Твитер профил и прв му честиташе на Португалецот за новото работно место.

“Sky Sports” подоцна излезе со информацијата дека „Специјалниот“ имал средба со Ед Вудворд во еден лондонски хотел каде бил потпишан договорот. Освен твитот, фудбалерот со поопширна порака на Фејсбук го изрази своето задоволство што токму Мурињо е новиот наследник на Луис ван Гал.