ЕУ парично ќе го помогне Црвениот крст во справување со емигрантите

Европската Унија донираше симболична сума од 90 илјади евра со која Црвениот крст на Република Македонија ќе може да работи во справување со емигрантите и нивна помош при транзитот со цел да се избегнат последици и можна хуманитарна криза.

„Помошта ќе ги покрие основните потреби, како што се услуги од примарната здравствена заштита, снабдување со вода, храна, хигиенски пакети, ќебиња, облека, чевли, продукти за нега на бебиња“, соопшти Делегацијата на ЕУ во Скопје.

Екипите на Црвениот крст се на терен и најмногу се фокусирани на прифатниот центар за азиланти, како и на главните железнички линии од јужната до северната граница.