Денеска заладување, пад на температурите за 8 до 10 степени

Денеска очекувајте заладување, со пад на температурите за 8 до 10 Целзиусови степени. Времето денеска ќе биде претежно облачно со повремени слаби врнежи од дожд, на повисоките места и на планините ќе има услови задожд и снег, а снег се очекува и на повисоките планини. Врнежите од дожд и снег претежно ќе бидат застапени во јужниот дел од земјава. Ќе дува умерен северен ветер. Минималната температура ќе биде од 0 до 5 степени, а максималната од 8 до 14 степени.